Balai Pengembangan Seni dan Bahasa Daerah Prov. Jateng

AKSARA JAWA – Judul Artikel ini sebetulnya saya ambil dari tulisan Saudara Bening seorang  blogging sekaligus penulis artikel yang telah dimuat di compasnia.com pada pada tanggal 5 Juni 2018. Menyimak artikel tersebut, hati ini tergerak untuk membuka laptop dan menulis sekenanya karena melihat dari judulnya memang perlu mendapatkan perhatian dari kita semua.

Dalam artikel tersebut Saudara Bening menuliskan bahwa Suku Jawa merupakan suku terbesar yang menghuni negara ini. Namun berapa persen yang mengerti dan paham keseluruhan akan bahasa Jawa? Menurut penulis tersebut ternyata tidak banyak suku Jawa yang mengerti dan paham keseluruhan akan bahasa dan Aksara Jawa.

Mereka hanya sekedar mengerti bahasa jawa sehari hari. Ketika mereka merantau keluar daerah kadang mereka cenderung gengsi berbahasa jawa. Walaupun bertemu dengan sesama orang jawa tapi menggunakan bahasa Indonesia. Orang semacam itu kurang bangga akan identitasnya sebagai orang jawa. Mereka kadang lebih fasih berbahasa asing.

Didalam bahasa Jawa, ada tingkatan penggunaan bahasa. Jadi berbicara dengan orang yang lebih tua atau orang yang lebih muda ada tata cara bahasanya sendiri. Namun semakin mirisnya, orang muda jaman sekarang kurang bisa berbicara dengan bahasa Jawa halus. Apalagi mengerti dan hafal tentang aksara Jawa.

Aksara Jawa sebenarnya adalah aksara yang unik yang menjadi salah satu identitas suku Jawa. Namun keberadaanya sekarang kian punah. Apasih penyebabnya? padahal menurut Saudara Bening bahwa aksara Jawa itu unik dan cukup mudah dipelajari. Tapi minat anak muda akan hal ini sangat minim.

Masih menurut pendapat Saudara Bening, bahwa bagi orang tua dirumah, jangan hanya mengajari anak dengan bahasa asing. Itu memang penting. Tapi alangkah baiknya jika seimbang. Mempelajari bahasa asing dan bahasa suku sendiri. Agar mereka pun tidak lupa dengan budayanya sehingga warisan warisan leluhur sebagai identitas kita ini bisa terselamatkan.

Lalu bagaimana upaya pemerintah untuk menyelamatkan Aksara Jawa?.

Dalam upaya menyelamatkan Aksara Jawa, di Provinsi Jawa Tengah sebenarnya sudah memiliki landasan hukum berupa Peraturan Daerah yaitu  Peraturan Daerah  Provinsi Jawa Tengah Nomor  9  Tahun 2012 Tentang Bahasa, Sastra, Dan Aksara Jawa. Khusus terkait dengan penyelematan bahkan pengembangan aksara Jawa, dalam perda tersebut diamanatkan antara lain “memasyarakatkan  penggunaan  bahasa Indonesia yang  didampingi dengan  aksara Jawa untuk  penamaan tempat dan bangunan  yang  bersifat  publik”.  Bagaimana afektifitas perda tersebut?. Untuk membahas hal ini, akan kita sajikan pada artikel berikutnya di website ini. [*].

Oleh : Sugiyarto, Balai Pengembangan Seni Budaya dan Bahasa Daerah Disdikbud Provinsi Jawa Tengah.

Cerkak Banyumasan- Ujarku sing jenenge wong lanang kemlithak ora kaya Miswan. Inyong ngarani, wong sing kaya dheweke langka tunggale! Ora kemlithak kepriwe jajal! Semakean dadi wong lanang, Nggolet bojo bae, nganti umure tekan petang puluh taun, urung ana wong wadon sing desenengi. Ngomonge wong sedesa ora nana sing ayu. Kabeh-kabeh dicacat! Biyunge nidhoki Tukirah, jere wong wadon ora nggenah. Ditidhoki Suprapti, jere irunge kendhepepesen. Dithidhoki Wagiyem, jere lambene kekandelen. Ditidhoki Manisah, jere kulite ora putih. Mbok gemaguse pol?

Ujare nini Ripah, biyunge, wong arep ngarah bojo ora susah kakehan polah. Ora kudu nggolet sing ayu moblong-moblong, mloes, ora nana cacate semendhing-mendhinga. Mbok nganti kapan, wong wadon sing kaya kuwe ya angel goletane.

Oalah Miswan, Miswan! Gayamu kaya Andhe-andhe Lumut bae! Kabeh wong wadon dicacat. Ora ngrumangsani awakmu dhewek kaya ngapa. Ngaca dhisit toli! Wis awakmu buntek, ireng, matamu mendelo, untumu mrongol, koh karepe ngarah bojo wong wadon sing kaya bintang film. La sapa wong wadon sing arep gelem?

Andhing wingi nini Ripah crita. Dhong lagi becer nang pasar, ana wong wadon mbuh sapa, aweh amplop maring dheweke, jere kon nggo anake lanang sing esih bujang. Tekan ngumah, amplope diweken maring Miswan. Mbareng mbukak amplop, Miswan keton seneng pisan. Jebule amplop mau isine foto wong wadon sing ayu pisan. Kulite putih bersih, irunge mbangir, lambene tipis, untune rata, matane ora nguwati. Pokoke jan ayu pisan!  

“Lha, wong wadon sing kaya kiye Yung sing tek karepena,” ujare Miswan karo ora kemedhep gole nyawang foto. “Kiye mau sapa sing aweh amplop, Yung?”

“Inyong ya ora ngerti mbuh sapa. Inyong ora kenal-kenala. Dheweke mung ngomong titip amplop nggo ko,” semaure nini Ripah karo menjap-menjep.

Miswan terus bae nyawang foto ora mandheg-mandheg. Let sedhela, dheweke mbukak nang sewalike foto. Nang kono ana tulisan tangan, lengkap karo tandha tangan. “Inyong gelem dadi bojomu, asal ko bisa nggoleti inyong! Alamatku nang Jalan Jenderal Sudirman, Purbalingga!”

“Wah, Yung! Kayane jodhoku wis perek kiye! Inyong tek mangkat maring Purbalingga nggoleti wong wadon kiye ya?.” Miswan ngomong kaya kuwe langsung nyemplak motor, ora ngenteni biyunge semaur.

Mbareng tekan Purbalingga, Miswan bingung! Jalan Jenderal Sudirman kuwe isine mung toko-toko. Lha sing mendi kiye alamate? Maninge ora disebutena nomere pira. Kepriwe gole arep nggoleti? Apa enggane saben toko arep ditekani lan pelayane ditakoni? Tapi wong dhasare Miswan semangate gedhe pisan gole kepengin ketemu karo wong wadon sing kaya nang foto mau, mulane sewise markir motor, dheweke terus bae mlaku kawit sekang alun-alun mengulon. Saben toko ditekani lan pelayan tokone ditakoni. Kabeh pelayan toko padha gedheg-gedheg karo semaur ora ngerti.

Wis mbuh pirang toko bae sing ditekani Miswan. Nganti dheweke krasa kesel pisan. Karo ngaso, dheweke tuku es cream nggo adhem-adhem gulu. Let sedhela ana wong lanang takon.

“Ujarku njenengan mlebu-metu toko bae si nggoleti apa, Mas?” pitakone wong lanang mau.

“Inyong lagi nggoleti wong kiye,” semaure Miswan karo nidhokena foto. “Apa kira-kira njenengan ngerti, Mas?”

Wong lanang mau terus ndeleng foto sing nang tangane Miswan. Miswan terus bae dituntun mlebu maring njero toko. Wong mau keton omong-omongan sedhela karo wong lanang tua, kayane sing duwe toko. Wong lanang tua mau terus mereki Miswan.

“Njenengan nggoleti wong wadon kiye?” pitakone wong lanang tua mau karo ngecungi foto sing esih dicekel Miswan.

“Iya bener! Wong wadon kiye arep tek dadekena bojoku,” semaure Miswan keton bungah pisan.

“Tapi bener, njenengan seneng karo wong wadon kiye?”

“Ya seneng pisan! Sapa wonge si sing ora seneng maring wong sing ayune kaya kiye? Mbok esih prawan?” pitakone Miswan.

“Aja kuwatir, Mas! Wong wadon kiye esih prawan thing-thing! Tunggu sedhele ya, wonge tek undange,” semaure wong lanang tua mau karo mlebu marani wong wadon mau.

Ora let suwe, wong lanang tua mau metu bareng karo wong wadon tua, sing umure kira-kira seket lima.

“Kiye, Mas wong sing nang foto kuwe!” ujare wong lanang tua mau.

Miswan keton kaget! Dheweke banjur takon.

“Kiye wong wadone? Deneng tua temen! Beda karo sing nang foto!”

“Ya jelas beda. Wong kuwe toli foto dhong inyong esih enom, Mas,” semaure wong wadon mau karo nyekeli tangane Miswan kenceng pisan.

Miswan mingkur-mingkur karo arep nguwali cekelane wong wadon mau. Tapi ora bisa. Wong wadon mau malah ngrangkul Miswan kenceng pisan, karo ngambungi Miswan ora uwis-uwis. Senalika Miswan nggeblag ora eling apa-apa.*

Dening: Edi Prasetyo, Kepala SMAN 1 Sokaraja, Banyumas.

CERKAK BANYUMASAN - Rumangsaku, sing jenenge wong urip rekasa, ora kaya dhong jaman inyong esih cilik. Sing jenenge wong mangan, urung mesti sega. Kalan-kalan pancen ya sega. Nanging seringe ya mangan sega jagung, inthil, ciwel, godhogan budin utawa bakaran budin. Pokoke meh kabeh panganan asale sekang budin! Wis kaya kuwe, lawuhe ora liya-liya enthek-enthek godhong budin, jangan lontop, jangan lumbu utawane lompong. Mandangan ana lawuhe sing digoreng, ora liya-liya ya gesek, pethek, utawane tempe bongkrek. Ya bener bae, dhong jaman inyong cilik, meh kabeh bocah rupane padha bongsrak-bangsrek. Jan kaya ora nana sing petha sijia!

Sing jenenge detukokena klambi nang biyunge ya setaun sepisan, angger dhong arep bada thok!. Mangan iwak ayam, kena diarani ya mung setaun sepisan angger lagi bada. Wis kaya kuwe, biyungku gole mbageni iwak ayam maring anak-anake ora liya-liya ya ceker, kiplik utawa sewiwi, rempela, telih, gulu, utawa endhas. Ujare biyungku, inyong kon mangan ceker supayane mbesuk pinter koreh utawane golet pangan. Kon mangan kiplik utawa sewiwi, jere supayane mbesuk teyeng mabur golet pengalaman. Kon mangan telih, jere supayane mbesuk pinter nyimpen utawa nyelengi dhuwit. Kon mangan endhas, supaya mbesuke dadi pemimpin.

Mbuh bener mbuh ora, ujare biyungku lan wong-wong tua jaman semana pancen kaya kuwe. Tapi nyatane, mbareng tek rasak-rasakena, apa sing tek lakoni siki ya ana benere. Gemiyen inyong kon mangan ceker, siki inyong ya duwe pegawean. Inyong dadi guru, unggal wulan nampa bayaran. Wis kaya kuwe, ana tambahan maning dhuwit sertifikasi utawane tunjangan profesi. Ora ngilang-ngilangna, kabeh mau ya sekang pendongane wong tuaku.

Inyong gemiyen kon mangan telih, sikine inyong ya duwe celengan utawa simpenan. Bayaranku saben wulan kena nggo mangan lan nyukupi kebutuhan keluarga, tunjangan profesine tek simpen kena nggo ndaftar kaji. Inyong gemiyen kon mangan endhas, nyatane siki inyong ya dadi kepala sekolah. Senajan kabeh mau mung tiba kebeneran, nanging ana nyatane mbokan?

Tapi inyong jan kemutan bae dhong jaman inyong esih kelas 6 SD. Wektu semana, bapaku wis nyembeleh ayam. Sewise diolahi, nang biyungku terus  dibagi-bagi nggo lawuh wong sekeluarga. Inyong wong bocah lanang senengane dolan, nampa bagiane keri. Adhi-adhiku wis mangan kabeh, tapi aku lan bapaku durung. Sedurunge biyungku lunga arep niliki wong duwe bayi, biyungku weling maring inyong.

“Mengko angger ko arep madhang, kae segane nang cething. Lawuhe iwak ayam nang piring. Aja kelalen! Ndhase nggo ko, dhadhane nggo bapane ya!” welinge biyungku. Inyong ya mung manthuk.

Tapi sejeron meneng jane inyong ya kesuh. Masa si selawase inyong kur kon mangani endhas, gulu, telih, rempela, utawa ceker? Sepisan-pisan inyong ya kepengin mangan iwak ayam sing daginge gamol. Apa dhadha menthoke apa pupune. Nanging ora liya-liya, sing jenenge dhadha menthok utawane pupu mesthi nggo bapane. Ujare biyungku, wong bapane sing ngodhe.

Nganti jam siji awan, inyong esih bebeh madhang. Inyong njagong bae karo ngrasa nelangsa. Bapaku mudhun sekang mesjid, weruh inyong esih njagong banjur takon.

“Ko si wis madhang apa durung, Dhi?”

“Dereng, Pa,” semaurku karo keyap-keyip.

“Lha kenang apa si durung madhang? Mbok ana lawuh?” pitakone bapaku karo mereki inyong. “Wis mayuh padha madhang bareng karo inyong!”

Inyong ya manut. Inyong banjur nyidhuk sega. Nanging sewise nyiduk sega, inyong ora njiot lawuh. Terus terang, inyong wis bebeh mangan ndhas ayam. Wis tau lambeku kebeler cucuk ayam koh! Pokoke inyong arep protes! Inyong bebeh mangan ndhas ayam!

“Wis kuwe iwak ayame!” ujare bapaku karo narik piring wadhah iwak ayam. Inyong ya mung meneng bae karo keyap-keyip nelangsa. Weruh inyong meneng bae, bapaku banjur takon.

“Apa ko wis ora doyan iwak ayam?”

“Doyan, Pa. Namung kula pun mboten purun nedhi ndhas!” semaurku karo temungkul. Ora krasa, luhku ana sing temetes sekang mripat.

“O kaya kuwe? Ya uwis angger kaya kuwe ko sing mangan dhadane, inyong tek sing mangan ndhase,” ujare bapaku karo ngelus-elus sirahku.

“Saestu napa, Pa?” inyong njenggirat krasa bungah karo ngelapi luh sing nempel nang pipi.

“Iya, ngonoh! Tapi mengko angger ditakoni biyungmu, ko ngomong mangan ndhas, ya! Mbok biyungmu jengkel!” welinge bapaku.

“Menawi kedah kados niku, aluwung mboten susah mawon, Pa! Kula mboten purun nglomboni. Napa malih kalih biyung! Mengkin si kula dosa!” semaurku karo nyawang bapaku.

Bapaku meneng karo nyawang inyong. Inyong ora ngerti apa sing lagi dipikir nang bapaku. Nanging ora let suwe, bapaku banjur ngomong.

“Ya uwis. Mengko angger biyungmu takon, inyong sing tek ngomong. Nanging angger ora takon, ya dhewek padha meneng bae,” ujare bapaku karo njiot dhadha menthok disogena nang piringku.

Inyong banjur madhang bareng karo bapaku. Inyong jan krasa bungah pisan. Se jeg jumbleg ya inyong nembe tau ngrasakena enake mangan iwak ayam dhadha menthok. Kenang apa nang biyungku dhadha menthoke malah kon nggo bapaku dudu nggo inyong? Saking mboblose inyong gole madhang, ora krasa sega sepiring munjung langsung entong, ora keri seupa-upaa!*

Dening: Edi Prasetyo, Kepala SMAN 1 Sokaraja

Img : http://waroengmbokmarni.com/data/foto_berita/3833KEPALA%20AYAM2.jpg

Bahasa Ngapak Banyumasan - Jumadi, bocah lanang anake tanggaku, tek arani klebu bocah sing ora duwe melas maring wong tua. Senajan esih cilik, nembe kelas 7 SMP, nanging wis sering nglomboni wong tuane. Gole nglomboni si dudu urusane karo dhuwit, tapi urusane karo panganan. Angger lagi kepengin mangan sing enak, dheweke reka-reka ketempelan setan. Biyunge wong nyatane eman maring anak, weruh anake kejejer-kejejer kaku karo ngromed njaluk panganan enak, ya terus bae dituruti.

Sing tek gumuni, Jumadi kuwe duwe ilmu kaya kuwe sekang ngendi? Apa iloken tiru-tiru pemain ebeg angger lagi dhong padha wuru? Lha rong dina kepungkur, bali sekolah ya dheweke kejejer-kejejer kaku. Ditakoni nang biyunge, dheweke ngaku setan sing tunggu brug nang pinggir sekolahan, sing nginthil Jumadi. Dheweke  gelem bali, angger wis dikon madhang lawuh iwak ayam dhadha menthok. Biyunge langsung bae tuku dhadha menthok. Mbareng wis madhang sepiring munjung nganti entong lan antob, Jumadi gole ketempelan setan banjur mari.

Nanging sejeron ngati, suwe-suwe biyunge ngemataken. Masa si setan-satan koh angger nempeli Jumadi isine njaluk panganan enak bae? Lha mulane, bareng mau awan bali sekolah Jumadi polah kaya kuwe maning, biyunge banjur ngati-ngati.

“Kiye ko sapa maning sing nempeli Jumadi?” biyunge Jumadi takon karo nyekeli kenceng tangane anake lanang.

“Inyong setan sing tunggu nang pojok lapangan. Mau dhong lagi olah raga, Jumadi nguyuh nang pinggir lapangan, pas nang cangkemku. Mulane aku ora trima maring Jumadi,” semaure Jumadi karo matane digawe mendelik.

Biyunge kaget! Setan pojok lapangan? Pancen dheweke si wis tau krungu ana wong crita jere ana setan sing tunggu nang pojok lapangan. Tapi apa iya si Jumadi nguyuh seenggon-enggon? Ora sopan temen si Jumadi?

“Terus karepmu kepriwe? Arep njaluk apa?” biyunge Jumadi takon karo esih nyekeli tangane anake lanang.

“Inyong njaluk bakso sing indhil-indhile ana endhoge. Mengko angger wis diwei bakso, inyong gelem bali,” semaure Jumadi karo nggerem-nggerem.

“O ya. Tunggu sedhela ya! Inyong tek tuku bakso dhisit,” biyunge Jumadi semaur banjur marani sing lanang sing lagi nukang batu nang nggone tanggane.

Ora let suwe, biyunge karo bapane Jumadi teka. Jumadi ya esih bae reka-reka kejejeran karo nggerem-nggerem.

“He, Setan! Apa bener ko njaluk bakso sing indhil-indhile ana endhoge?” bapane Jumadi takon karo nyekeli tangane anake lanang sing kaku gedhegreng.

“Iya, bener!” semaure Jumadi.

“Inyong kiye wong ora duwe, Setan! Ora duwe dhuwit nggo tuku bakso sing kaya kuwe. Angger gorengan dhage gelem?”

“Emoh! Sori temen si! Anu cangkemku wis diuyuhi nang Jumadi koh kur arep diwei gorengan dhage. Gorengan dhagene nggo ko bae!,” semaure Jumadi karo sikile gejolan.

Bapane Jumadi ora kurang akal! Karo kemedhep aweh kodhe maring bojone, dheweke banjur ngomong.

“Siki kaya bae, Setan! Angger ko tetep njaluk bakso bae, inyong tetep ora gelem nuruti. Angger ko arep ngamuk, ya ngonoh ngamuk! Inyong ya siap! Ala-ala soten, inyong kiye wis biasa ngadhepi lan ora wedi maring setan. Gendruwo, kuntilanak, wewe gombel, banaspati, pocong, lan liya-liyane, wis biasa tek adhepi. Inyong babar blas ora wedi! Angger ko tetep ora gelem bali, siap-siap bae ko arep tek gebugi karo garan sapu!” bapane Jumadi ngomong kaya kuwe karo nyawel sapu sing semendhe nang tembok.

Krungu bapane ngomong kaya kuwe, Jumadi keweden banjur njenggirat menyat. Bapane terus bae njewer kupinge Jumadi, nganti Jumadi tulung-tulung.

“Dadi bocah aja seneng nglomboni wong tua ya, Jumadi! Wong mangan ya apa anane. Ora kudu sing enak-enak. Ujare bapa-biyungmu kiye wong sugih dhuwit apa?” ujare biyunge Jumadi keton mandan jengkel maring anake lanang..

Karo keyap-keyip Jumadi semaur, “Lha inyong ya kepengin mangan sing enak, Yung! Masa si ndina-ndina ora liya liya-liya kur mangan sega, jangan kangkung, tegean, sambel, lan tahu-tempe utawa krupuk? Jere bapane karo biyunge kepengin inyong dadi bocah sing pinter, sing bijine olih ranking. Lha arep pinter lan olih ranking kepriwe angger ndina-ndina mangane mung kaya kuwe?” semaure Jumadi karo mlengos.

Krungu anake lanang ngomong kaya kuwe, biyunge Jumadi krasa nelangsa pisan. Dheweke terus ngelus-elus dhadha karo ngelapi luh sing nang mata. Karo mbab-mbeb, biyunge Jumadi ngomong,

“Oalah, Kulup! Bisane ndina-ndina biyungmu mung aweh panganan kaya kuwe, sebabe pancen ora nana. Ko ngerti dhewek, bapamu nyambut gawe dadi tukang batu kuwe upahe sepira? Bae ora unggal dina ana wong prentah. Olah-olah kaya kuwe bae toli seringe biyungmu anu gole utang-utang nang warung! Mulane ko gole sekolah sing pinter ya, Kulup! Bapa-biyungmu ndongakena, muga-muga mbesuk uripmu kepenak. Arep mangan apa bae keturutan. Bapa-biyungmu uripe rekasa ora apa-apa. Sing penting anak-anakku mbesuk uripe padha kepenak,” biyunge Jumadi ngomong karo mrebes mili.

Krungu biyunge ngomong kaya kuwe, senalika Jumadi nubruk ngrangkul biyunge karo nangis nggembor-nggembor! Karo ngelus-elus sirahe anake lanang, biyunge Jumadi terus bae luhe dleweran nang pipi. Bapane Jumadi krasa nelangsa pisan, mergane rumangsa ora bisa nyukupi kebutuhane anak lan bojone.*

Dening: Edi Prasetyo, Kepala SMAN 1 Sokaraja, Banyumas.

IMG illustrasi dijewer kupinge : https://pbs.twimg.com/media/B1_P6wsCUAAk7Nx.jpg